ჩვენი ისტორია

როცა ალენ კუმონმა საკუთარი საცხობის გახსნა გადაწყვიტა, მისთვის სახელიც უნდა შეერჩია. სწორედ მაშინ მამის ნათქვამი გაახსენდა: „Moi, ce n’est pas mon pain quotidien!“, რაც სიტყვასიტყვით ნიშნავს: „ეს ჩემი ყოველდღიური პური არ არის!“ ალენი მიხვდა, რომ საცხობის სახელის ძიება აღარ სჭირდებოდა. ასე გაჩნდა Le Pain Quotidien, „ყოველდღიური პური“, ადგილი, სადაც წარსული აწმყოს ხვდება, მომავალი კი დღეს იწყება.

პირველი Le Pain Quotidien ბრიუსელში 1990 წელს გაიხსნა. რამდენიმე თვეში მას კიდევ ათი ობიექტი შეემატა და ყველგან ის ტრადიციული, სოფლის პური ცხვებოდა, რომლის გემოც ალენს ბავშვობიდან ახსოვდა. შვიდი წლის შემდეგ მისი ამერიკული ოცნებაც ახდა: ნიუ-იორკში, მედისონ-ავენიუზე, ფლაგმანი საცხობი გახსნა. დღეს კი ტრადიციულად მომზადებული ახალგამომცხვარი პური მეგობრებისა და მეზობლებისთვის საყვარელ ტრადიციად იქცა მსოფლიოს მასშტაბით Le Pain Quotidien-ის 250-ზე მეტ ობიექტში.