ხშირად დასმული კითხვები
რას ნიშნავს Le Pain Quotidien?
Le Pain Quotidien ფრანგულად „ყოველდღიურ პურს“ ნიშნავს.
რა ტიპის კერძებს გვთავაზობს Le Pain Quotidien?
Le Pain Quotidien-ში გვჯერა, რომ კერძი მარტივი, ჯანსაღი და გემრიელი უნდა იყოს.
ჩვენი საუზმის მენიუში დაგხვდებათ ორგანული პური, ცომეული, კვერცხის კერძები, იოგურტი, ორგანული ყავა და ჩაი. ლანჩისა და ვახშმისთვის კი ბუნებრივი საფუარით გამომცხვარ ორგანულ ხორბლის პურით ჩვენს გამორჩეულ ტარტინებს ვამზადებთ. პური ასევე უხდება სუპებს, სალათებსა და კიშებს.
მენიუში ვეგეტარიანული და ვეგანური კერძების მრავალფეროვანი არჩევანია. გატანისა და ქეითერინგის მენიუებით კი Le Pain Quotidien-ის ახალი პროდუქტებით შეგიძლიათ სახლში, ოფისში ან ღონისძიებაზე ისიამოვნოთ.
რა არის ტარტინი?
ტარტინი ღია სენდვიჩია. მისი სახელწოდება ფრანგული სიტყვიდან tartiner მომდინარეობს, რაც „წასმას“ ნიშნავს.
გაქვთ ვეგანური და ვეგეტარიანული კერძები?
დღეს მცენარეული კვების სარგებელი ყველასთვის კარგად არის ცნობილი. ნაკლები ხორცის მიღება სასარგებლოა როგორც ჩვენთვის, ისე გარემოსთვის.
Le Pain Quotidien-ის მენიუში ბევრი ვეგანური კერძია, რომლებიც აღნიშნულია, როგორც „100% მცენარეული“. ჩვენი ყველა ორგანული პური ვეგანურია, გარდა ბრიოშისა.
ყველაზე პოპულარულ ვეგანურ კერძებს შორისაა ავოკადოს ტარტინი, სუპერმარცვლეულის ბოული და ოსპისა და ავოკადოს სალათი.
რომელი პროდუქტებია ორგანული?
შეძლებისდაგვარად, ორგანულ ინგრედიენტებს ვიყენებთ. ორგანულია ჩვენი ყველა პური, გასაყიდი პროდუქტების დიდი ნაწილი, სასმელები და ადგილზე მომზადებული გრანოლა.
ორგანული პროდუქტებისა და ინგრედიენტების არჩევანი სეზონისა და ქვეყნის მიხედვით შეიძლება განსხვავდებოდეს.
გაქვთ გლუტენის გარეშე მომზადებული კერძები?
ვცდილობთ, სტუმრებს გლუტენის გარეშე მომზადებული კერძების მაქსიმალურად მრავალფეროვანი არჩევანი შევთავაზოთ. სურვილის შემთხვევაში, ნებისმიერი ტარტინი გლუტენის გარეშე პურზე მომზადდება.
მენიუში ასევე დაგხვდებათ გლუტენის გარეშე მომზადებული სალათები, დესერტები და სხვა კერძები. თუმცა გაითვალისწინეთ, რომ საკვები შეიძლება ფქვილის კვალს შეიცავდეს, რადგან ჩვენი სამზარეულო სრულად გლუტენისგან თავისუფალი არ არის.
ყველა თქვენი რესტორანი ფრენჩაიზია?
ჩვენი რესტორნების უმრავლესობა ფრენჩაიზის მოდელით მუშაობს.
საერთაშორისო ფრენჩაიზის შესაძლებლობების შესახებ დამატებითი ინფორმაციისთვის მოგვწერეთ franchise@lepainquotidien.live ან გაეცანით შესაბამის გვერდს.
განცხადება
ხორცის მომწოდებლების მიერ მოწოდებული ინფორმაციის საფუძველზე, Le Pain Quotidien საფრანგეთში, ბელგიაში, ნიდერლანდებსა და ინგლისში იცავს „Pig Minimum Standard“-ისა და „European Chicken Commitment“-ის მოთხოვნებს.
Le Pain Quotidien ყოველთვის განსაკუთრებულ ყურადღებას უთმობს პროდუქციის ხარისხსა და ცხოველთა კეთილდღეობასთან დაკავშირებული კანონმდებლობის დაცვას.
სახორცე ქათმებთან დაკავშირებით, ბრენდის „European Chicken Commitment“-ის ვალდებულების ტექსტიდან 2026 წლის ვადა ამოღებულია.
ჩვენი პროგრესი
2025 წელს „European Chicken Commitment“-ის თითქმის ყველა მოთხოვნას ვაკმაყოფილებთ.
ერთადერთი დარჩენილი მოთხოვნაა ქათმების კონტროლირებად გარემოში გაბრუება ინერტული აირების ან მრავალფაზიანი სისტემების გამოყენებით, ან სხვა ეფექტიანი ელექტრონარკოზის მეთოდით, რომელიც ცოცხალი ქათმების დაკიდებას არ გულისხმობს. ამ მოთხოვნას 2025 წლის 26 დეკემბრიდან დავაკმაყოფილებთ.
Le Pain Quotidien იღებს ვალდებულებას, რომ 2025 წლის ბოლომდე მის მფლობელობაში, მართვასა და ფრენჩაიზის სისტემაში არსებულ ყველა ობიექტში გამოყენებული კვერცხის 100% გალიის გარეშე გაზრდილი ქათმებისგან იყოს მიღებული. ეს ვრცელდება ნაჭუჭიან და თხევად კვერცხებსა და კვერცხის შემცველ პროდუქტებზე.
ჩვენი პოლიტიკა ხელმისაწვდომი იქნება ძირითად ენებზე და ყოველწლიურად გამოვაქვეყნებთ ინფორმაციას მიღწეული პროგრესის შესახებ.
2023 წლის სექტემბრის მონაცემებით, მსოფლიოს მასშტაბით ჩვენ მიერ გამოყენებული კვერცხისა და კვერცხის პროდუქტების 60%-ზე მეტი უკვე გალიის გარეშე გაზრდილი ქათმებისგანაა მიღებული. ამ მიმართულებით პროგრესის დასაჩქარებლად მუშაობას ვაგრძელებთ.